მანქანა დარტყმისგან დაიკეცა, დაღუპულია 19 წლის ბიჭი - სად და როგორ მოხდა უმძიმესი შემთხვევა?

რუსთავი-გარდაბნის გზაზე, სოფელ ბირლიკთან ავტოსაგზაო შემთხვევა მსხვერპლით დასრულდა. "ინფო რუსთავის" ცნობით, ერთმანეთს "ჟიგულის" და "ფოლკსვაგენის" მარკის ავტომობილები შეეჯახა, რის შედეგადაც 19 წლის ახალგაზრდა ადგილზე დაიღუპა, ხოლო დაშავებული სასწრაფო-სამედიცინო დახმარების ეკიპაჟმა ცენტრალურ საავადმყოფოში გადაიყვანა.

როგორც სამედიცინო დაწესებულების გადაუდებელი დახმარების განყოფილების ხელმძღვანელმა, თეა გელაშვილმა განგვიცხადა, მათთან შეყვანილი 30 წლამდე კაცის ჯანმრთელობის მდგომარეობა სტაბილურია და მის სიცოცხლეს საფრთხე არ ემუქრება.

შემთხვევის ადგილზე მობილიზებულები იყვნენ კრიმინალური პოლიციის ეკიპაჟები და მიმდინარეობდა საგამოძიებო მოქმედებები.

ინფო რუსთავი