„ორ ნაბიჯს ვეღარ ვდგამ, ჯანმრთელობამ მიღალატა... არც წამალი, არაფერი შველის“ - რას ამბობს მსახიობი ლეო ანთაძე?
მსახიობს ლეო ანთაძე თეატრალურის სტუდენტების დაჯარიმებას და უნივერსიტეტიდან გარიცხვას გამოეხმაურა და პარალელურად საკუთარ ჯანმრთელობაზეც ისაუბრა:
„ეს არის ძალიან დიდი უსამართლობა, მეტი რომ არ შეიძლება! სად აქვს სტუდენტს იმის საშუალება ხუთიათასები იხადოს და მერე რა ხდება, უნდა დააპატიმრონ? ზოგიერთი რეგიონიდან არის, ბინის ქირასაც კი ვეღარ იხდის...
რა თქმა უნდა მათ გვერდით ვიდგებოდი, მაგრამ ვეღარ დავდივარ, წონასწორობას ვეღარ ვიცავ. დღეს ორ ნაბიჯს ვეღარ ვდგამ, ჯანმრთელობამ მიღალატა... თავის ქალა გამისინჯეს და რაღაც დარღვეულია. არც წამალი, არაფერი შველის.
ზამთარში ძალიან მკაცრად გამოვედი, არ მოეწონათ და მაგრძნობინეს... ამაზე მეტს ვერ გეტყვით, თავს შევიკავებ. ან რაღა უნდა გითხრა იმაზე მეტი, რაც ხდება, ეს რომ ძალიან დიდი უსამართლობაა!“ - განუცხადა "ამბებს" ლეო ანთაძემ.
