„ცოლ-შვილი დარჩა... უთბილესი ადამიანი იყო, არავისთან კონფლიქტი არ ჰქონია...“ - გორში, მოკლულ ბიჭს გლოვობენ
გორში, სავაჭრო ცენტრ „გალერეაში“ მკვლელობა მოხდა. მოკლულია ახალგაზრდა მამაკაცი და დაჭრილია მისი მამა.
როგორც თვითმხილველები აცხადებენ, სროლა მაღაზიაში შელაპარაკებას მოჰყვა. მათივე ცნობით, რამდენიმე გასროლა მოხდა იმ დროს, როდესაც სავაჭრო ცენტრში მომხმარებლებიც იმყოფებოდნენ. ახალგაზრდა მამაკაცი ადგილზე დაიღუპა. მოკლული გიორგი ცაციაშვილია. ამ დროისთვის შემთხვევის ადგილზე სამართალდამცველები იმყოფებიან.
„პრაიმტაიმს“ გიორგის კლასელი ესაუბრა.
„ცოლ-შვილი დარჩა, ყველა შოკში ვართ. უკარგესი ადამიანი იყო, ძალიან ხუმარა. არავისთან არასდროს ჰქონია კონფლიქტი“.
ცნობისთვის, შემთხვევა დღეს, 28 აპრილს, წმინდაწყლის უბანში მოხდა. როგორც „პრაიმტაიმს“ შინაგან საქმეთა სამინისტროში უთხრეს, ფაქტზე გამოძიება 19-109-ე მუხლით დაიწყო, რაც ორი ან მეტი პირის განზრახ მკვლელობას გულისხმობს.
„თურმე ჩემი ფეხით მივედი მორგში... მამა სხვის სანახავად მივიდა და მისი შვილიც იქ დახვდა, დედაჩემს ბოლო წუთამდე მამაჩემი ეგონა....“ - ავარიისას დაღუპული გოგოს და შემაძრწუნებელ წერილს აქვეყნებს
„მაპატიე, ვერ გიშველე…“ 😭😭 ანრი ბიბინეიშვილის ოჯახში ტრაგედია დატრიალდა