18 წლის გოგონა, რომელიც მხიარული მოგზაურობიდან გაუჩინარდა, საქართველოში ნარკოვაჭრობისთვის დააპატიმრეს... იგი ამტკიცებს, რომ ორსულადაა - რას წერს მსოფლიო პრესა ბრიტანელ სტუდენტზე?
ბრიტანელმა სტუდენტმა, რომელიც საქართველოში 14 კილოგრამი ნარკოტიკის კონტრაბანდისთვის დააკავეს, სასამართლოს განუცხადა, რომ ორსულადაა.
საქართველოს შინაგან საქმეთა სამინისტროს ოფიციალურ განცხადებაში წერია, რომ აეროპორტში, ბრალდებულის ბარგის შემოწმებისას, მის სამგზავრო ჩანთაში, 12 კილოგრამამდე "მარიხუანა" და 2 კილოგრამი "ჰაშიში" აღმოაჩინეს. ისინი ჰერმეტულად დაფასოებულ პაკეტებში იყო გადანაწილებული.
დანაშაულის დამტკიცების შემთხვევაში 18 წლის ბრიტანეთის მოქალაქეს 20 წლამდე ან უვადო პატიმრობა ელის. ახლა მას სამედიცინო შემოწმება ჩაუტარდება, სადაც ექიმები მისი განცხადებების სისწორეს დაადგენენ.
დაკავებამდე მოზარდი ფილიპინების ტროპიკულ კუნძულებზე, პალავანსა და პანაიზე ერთობოდა და TikTok-სა და Instagram- ზე გამოქვეყნებულ პოსტებში ნაღდი ფულის უზარმაზარი დასტების ფოტოებს ტვირთავდა. თუმცა, მისი ონლაინ პოსტები გასულ კვირას მოულოდნელად შეწყდა. ის ბოლოს ტაილანდში ისვენებდა. ოჯახი ფიქრობდა, რომ გოგონა მოგზაურობის დროს გაუჩინარდა.
მისმა ადვოკატმა MailOnline-ს დაუდასტურა, რომ მისი მამა, ნილ კალი, ამჟამად თბილისისკენ მიემართება. ადვოკატის თქმით, სამედიცინო ფაკულტეტის სტუდენტი, რომელიც გამოძიების მიმდინარეობისას ორთვიანი წინასწარი პატიმრობის ქვეშ იმყოფებოდა, ამჟამად "შეშინებული და დაბნეულია".
"ნარკოტიკებთან დაკავშირებული დანაშაულები საქართველოს პოლიციის ერთ-ერთი მთავარი პრიორიტეტია. თეორიულად, აღმოჩენილი რაოდენობის გათვალისწინებით, მას შეიძლება სამუდამო პატიმრობა მიესაჯოს. თუმცა, პრაქტიკაში ეს სასჯელი, როგორც წესი, მკვლელებისა და ორგანიზებული დანაშაულის მაღალი რანგის წარმომადგენლებისთვისაა განკუთვნილი“ - წერს გამოცემა.
„მაპატიე, ვერ გიშველე…“ 😭😭 ანრი ბიბინეიშვილის ოჯახში ტრაგედია დატრიალდა
„ვინც მოგისპო ცხოვრება იმან ისუნთქოს და შენ მიწაში უნდა იყო? ამაზე გამეცით პასუხი“ - მტკვარში დაღუპული უტა ელიავას მეუღლე ემოციურ მიმართვას ავრცელებს