⚽🇬🇪 ივიცა ოლიჩი: ქართველები უცნაური სისტემით თამაშობენ, ჩვენ ვჯობდით 🔥🧐

რამაზ სვანაძის გაწვრთნილმა საქართველოს ახალგაზრდულმა ნაკრებმა ხორვატიასთან დრამატული პლეი ოფი მოიგო და ევროპის ჩემპიონატის საგზური მოიპოვა. ქართველმა 21-წლამდელებმა, შინ მინიმალური ანგარიშით მოგების (1:0) შემდეგ, სტუმრად ქალაქ ოლომოუცში გამართული საპასუხო შეხვედრის ძირითადი და დამატებითი ტაიმები 2:3 დათმეს, პენალტების სერიაში კი 7-6 გაიმარჯვეს და ზედიზედ მეორედ კონტინენტის პირველობაზე ითამაშებენ.  

საპასუხო დაპირისპირების შემდეგ ხორვატიის ნაკრების მთავარმა მწვრთნელმა ივიცა ოლიჩმა პრესკონფერენცია გამართა. 

“უკეთესები ვიყავით და ეს ჩანდა. ორჯერ დაგვირტყეს და ორივეჯერ გაგვიტანეს. ეს ჩვენი პრობლემა მთელი საკვალიფიკაციო ეტაპის განმავლობაში იყო. ვერ ვახერხებდით კარის მშრალად შენახვას გაცილებით სუსტ გუნდებთან მაშინაც კი, როდესაც შეტევაში უპირატესობა გვქონდა. შედეგად, ამ თამაშშიც საქმე პენალტების სერიამდე მივიდა და იქაც გვქონდა შანსი. იმედი მაქვს, ამ ბიჭებს კიდევ ექნებათ შესაძლებლობა კარიერაში წარმატების მისაღწევად.

ქართველები უცნაური სისტემით თამაშობენ. წინ ყოველთვის 3-4 მოთამაშე ჰყავთ, რაც აჩენს მათი დასჯის შანსს, მაგრამ ისინი ძალიან მაგრად დარბიან. ეს მათ ძვირი უჯდებათ, რაც იქიდანაც ჩანდა, რომ ბოლო 20 წუთი ძალა აღარ ჰქონდათ. 

ვფიქრობ, ძალიან კარგად გამოვიყურებოდით. მეორე გოლი ბავშვური შეცდომა იყო. მეტოქემ კი არ გვაჯობა, ჩვენ დავუშვით შეცდომა. ბევრი მომენტი ვერ გამოვიყენეთ”.