კახეთის გზაზე ქორწილის ესკორტი ავარიაში მოყვა, დაშავდა 17 ადამიანი
თბილისი-ბაკურციხის გზაზე, გარდაბნის მუნიციპალიტეტის სოფელ სააკაძის გადასახვევთან ავტოსაგზაო შემთხვევა მოხდა. ავარიაში ქორწილის ესკორტი მოყვა. ერთმანეთს ტრაილერი და სამი მსუბუქი ავტომობილი შეეჯახა. როგორც „რეგინფოს“ სასწრაფო სამედიცინო დახმარების სამსახურში განუცხადეს, ავარიის შედეგად 17 ადამიანი დაშავდა.
ავარიის ადგილას სასწრაფო სამედიცინო დახმარების 4 ბრიგადა მუშაობდა. რუსთავის კლინიკაშია გადაყვანილი 4 დაშავებული, 2 პაციენტი ბოკერიას კლინიკაში მოათავსეს. დანარჩენებს ექიმებმა პირველადი სამედიცინო დახმარება ადგილზე გაუწიეს.
თვითმხილველების თქმით, ტრაილერს პირველად ის ავტომობილი შეეჯახა, რომელშიც ნეფე-პატარძალი და მეჯვარეები ისხდნენ.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
“დღეში 3 ნაჭერი ნამცხვარი რომ შევჭამო, დავიკლებ?“ – კი, დაიკლებ… ” – ქართველი სპეციალისტის კვების ხრიკები მათთვის, ვინც წონაში დასაკლებად სტანდარტულ დიეტებს ვერ იცავს
