საგანგებო სიტუაციების მართვის სამსახურში რადიო თავისუფლებას ეუბნებიან, რომ მანქანის მძღოლი, ახალგაზრდა კაცი, მდინარიდან მოქალაქეებმა და მაშველებმა ამოიყვანეს.
რადიო თავისუფლებას შინაგან საქმეთა სამინისტროში უთხრეს, რომ გამოძიება დაწყებულია სისხლის სამართლის კოდექსის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
მეტეხის ხიდიდან მანქანა გადავარდა 11 მარტსაც. მაშველებმა და მოქალაქეებმა მძღოლის გადარჩენა შეძლეს.
მსხვერპლით დასრულდა მეტეხის ხიდიდან ავტომობილის გადავარდნა 4 მარტს. 24 წლის გიგი ზარანდიას ცხედარი მაშველებმა ორსაათიანი ძებნის შემდეგ ამოიყვანეს წყლიდან.
მას შემდეგ, რაც მეტეხის ხიდიდან მეორე მანქანა გადავარდა, რადიო თავისუფლება დაინტერესდა, ხომ არ გეგმავდა მერია ხიდზე უსაფრთხოების ნორმების დაცვის მიზნით სამუშაოების დაწყებას. მერიიდან მოგვწერეს:
„მოაჯირის აღდგენა მოხდება უახლოეს დღეებში, სხვა ტიპის ღონისძიებები არაა დაგეგმილი
