1 დაღუპული და 4 დაშავებული - აფეთქება თბილისში, დევნილთა დასახლებაში მოხდა
1 დაღუპული და 4 დაშავებული - აფეთქება თბილისში გვიან ღამით მოხდა.
შემთხვევა ორთაჭალაში, დევნილთა დასახლებაში, საცხოვრებელ კორპუსის მეოთხე სართულზე მოხდა. ჩამონგრეულია შენობის ფასადი და კედლები.
არსებული ინფორმაციით, აფეთქება სავარაუდოდ, ბუნებრივი აირის გაჟონვამ გამოიწვია. დაშავებულები კლინიკაში გადაიყვანეს, სადაც ისინი ჯანდაცვის მინისტრმა და აფხაზეთის მთავრობის თავმჯდომარემ მოინახულეს.
კორპუსში მცხოვრები მოსახლეობა დროებით საცხოვრებელშია გადაყვანილი.
"უცებ იყო ძლიერი აფეთქების ხმა. გარეთ გამოვიხედე და ითქვა, რომ ლიფტი ჩავარდა და გამოვცვივდით ყველანი გარეთ. კორპუსი არ იყო ავარიული. დევნილი არ ვარ, შეძენილი მაქვს აქ ბინა და უკვე 10 წელია აქ ვცხოვრობ. მინისტრი მოვიდა, გვესაუბრა, გვითხრა, რომ არავინ დარჩება დაბინავების გარეშე და ყველას მოგვხვედავენ", - ამბობს ადგილობრივი მაცხოვრებელი ნინო ლიპარტია.
